ليه ولــــــــــــيه

ليه وليه ببتقولى ارحمنى ومتسبنيش
انا منغيرك مش عارفة ازاى هعيش
وانا ما صدقت اشوفها قدامى بتضعف
قولت هسيبها ومسيرها يوم هتعرف


انى انا سيبتها علشان طريقى كان مسدود
عشان بحبهاحاولت امثل قدامها البرود
مليون سؤال قالتهولى بدموع عنيها
وانا ياعينى مش عارف الاقى ردود


ايوة انا كان لازم مظلمهاش معايا
لازم امشى منغير ماابص ورايا
هختفى من حياتها مش هتشوفنى تانى
وميهمنيش ان قالت عليا انسان انانى


الدنيا اسودت قدامى موش عارف ليه
وظروفى اقوى من حبنا وداست عليه
معلش ربنا يوفها وتلاقى غيرى حد تانى
وتفرح فى حياتها وتكمل طريقها بيه


اسكت يا قلبى ماتدمعيش ياعينى عليها
لازم تشوف القسوة فى عنيا بعنيها
والضعف ده يظهر بينى وبين نفسى
وهكتم تنهيدى ومش هخرج نفسى


يا عذاب عذابى مش قادراجرح اقرب حد ليا
مش هعيد حسابى ولازم ادارى دموع عنيا
كل شىء فيا بيصرخ ويقول كداب
مع انى سيبتك عشان خايف عليكى وعليا


ايوة انا كان لازم مظلمهاش معايا
لازم امشى منغير ماابص ورايا
هختفى من حياتها مش هتشوفنى تانى
وميهمنيش ان قالت عليا انسان انانى